பாக்கியலட்சுமி சீரியல் அப்டேட்: பள்ளியில் முதல் மதிப்பெண் பெற்ற இனியா, சங்கடமான சூழலில் பாக்கியா

விஜய் தொலைக்காட்சியில் ஒளிபரப்பாகும் பிரபல சூப்பர் ஹிட் தமிழ் சீரியல், பாக்கியலட்சுமி. இந்த சீரியலில் நடித்து வரும் பாக்கியா, பழனிச்சாமி, எழில், இனியா, கோபி, ராதிகா ஆகிய கதாபாத்திரங்கள் பெரிய அளவில் மக்களின் அன்பினை கவர்ந்து புகழ் அடைந்துள்ளன. தற்போது பல பரபரப்பான காட்சிகளை கடந்து இந்த சீரியல் மெகா ஹிட் சீரியலாக கொண்டாடப்படுகிறது. இந்த சீரியலின் நடக்கும் சுவாரஸ்யங்கள் பற்றி இந்த வாரம் வெளியான ப்ரோமோ அடிப்படையில் இந்த பட்டியலில் உருவாகியுள்ளது. முழு விவரங்கள் இதோ.

வீட்டை விட்டு வெளியேறிய கோபி, மீண்டும் பாக்கியாவின் இல்லத்திற்கு வந்து பாக்கியாவை காலி செய்து தரும் படி விவாதம் மேற்கொண்டு பல பிரச்சனைகள் கிளப்பிய நிலையில், ஒரு வழியாக பாக்கியா கோபி கேட்ட பணத்தை கொடுத்து கோபி மற்றும் ராதிகாவை வீட்டை விட்டு வெளியேற்றி உள்ளார். பின் கோபி மற்றும் ராதிகா மீண்டும் தங்களின் இல்லத்திற்கு சென்று பாக்கியவை பழிவாங்க முயற்சிகள் செய்யப்போவதாக திட்டம் செய்து வருகின்றனர்.

குடும்பத்தின் உதவியோடு கோபி மற்றும் ராதிகாவை வீட்டை விட்டு அனுப்பிய பாக்கியா, கோபியிடம் இருந்து அந்த வீட்டை தனது பெயருக்கு மாற்றி எழுதியிருக்கிறார். பின் தனது இல்லத்தின் முகவாயிலில் 'பாக்யலட்சுமி இல்லம்' என்ற பெரிய போர்ட் மாட்டி கெத்து காட்டியுள்ளார், பாக்கியா. இனியாவின் தேர்வு ரிசல்ட் வெளியாகவுள்ள நிலையில் குடும்பத்தினர் அனைவரும் பரபரப்பில் உள்ளனர்.

பாக்யலட்சுமி - இந்த வாரம் 2023 ஜூலை 19 முதல் ஜூலை 21 வரை நடக்கவிருக்கும் பாக்கியலட்சுமி சீரியல் கதைக்களம் பற்றிய காட்சிகள் ப்ரோமோவாக வெளியாகி மக்களின் ஆதரவை பெற்றுள்ளது. இந்த வார ப்ரோமோ வீடியோவில் இனியா தான் படிக்கும் கல்லூரியில் அதிக மதிப்பெண் பெற்று முதல் மாணவியாக சாதனை படைத்துள்ளார். இதனால் மொத்த குடும்பமும் சந்தோசத்தில் தித்திக்கும் அளவிற்கு மகிழ்ச்சியை கொண்டாடுகிறது. மறுபுறம் பாக்கியா தான் சமைக்க சென்ற இடத்தில் நெட்வொர்க் இல்லாததால் இனியாவின் வெற்றியை பற்றி அறியாமல் உள்ளார்.

பல வாரங்களாக பரபரப்பான சூழலில் கதை நகர்ந்து கொண்டு இருந்த நிலையில் பாக்கியலட்சுமி சீரியல் தற்போது மகிழ்ச்சியை எபிசோடுகளாக மாறியுள்ளது. இனியா படைத்த சாதனை, குடும்பத்தினரின் குஷி என ஒரே மகிழ்ச்சி தான், பாக்கியா இல்லத்தில். தனது மகளின் வெற்றியை தூரத்தில் இருந்து பார்த்து பெருமிதம் கொள்கிறார், கோபி.